丙)實戰)-一)一些工作坊的設計:2)如何做訪問:小貼士

一)一些工作坊的設計:

2)如何做訪問:小貼士

以下這個是訪問培訓時我們會用的, 大家可以參加, 按照你的對象、工作坊的目標而增刪。

甲:訪問工作紙:當你真的有心去了解別人…

by 影行者

七何法:可以分成兩類問題

a) 具體問題:時/地/人/事/物[who, when, where,what]

b) 抽象問題:如何/為何/為何不[how, why, why not] (如果是問「什麼事」的what, 也屬於抽問題)

如何處理七何法?

1) 先處理具體現實,再處理抽象的部份;

2) 大部份情況未了解的情況下,盡量不要一開始就問「為什麼」;

3) who :是任何與人、機構、組群、身份有關的問題;

4) when :是任何與時間、流程有關的問題,通常與b) 組問題密切相關;

5) where:是任何與地點、空間有關的問題,通常與b) 組問題密切相關。

6) what :發生什麼事?有什麼東西在這裡?

7) how :用什麼方法做?過程是怎樣的?畫條時間線來看看?

8) why :其實有了之前五何,這個「為什麼」的答案可能已近在咫呎了;

一般人很難一開始就答「為何」,因為這是一連串複雜思維的結果,

除非他/她已想過該問題多次,又或者,為禮貌應付一下而隨意不經認真思考地作答。

9) why not  :這是提出其他選擇可能性的反問句,但要很小心:

在什麼情況下問why not 會變成質問、落口供審犯似的情況?

10)如果可以的話,最後由抽象的了解,再回到現實的「為何」和「為何不」的問題。

11)最好是,預先對你要訪問的相關事情,做一些背景資料調查。

  記住,這些調查得來的資料不一定是全部的真實,但可讓你有個基本了解,可以搭咀。

12)也可不時對受訪者說的一連串資料整理講一次,問問他自己是否理解正確。

13)不應一開始就問抽象的問題:「最深刻/難忘的經驗」、「有何感想感受」、「為什麼」

14)訪問就算有準備, 也不要一直望著自己準備好的貓紙, 而只顧叫人答問題, 換了是你, 你也會很難受啊! 其實,聊天也不錯!但別忘了主線,別傾到浮雲十萬里!

~~~~~~~~~~~~~~~~~~~~~~~~~~~~~~~~~~~~~~~~~~~

乙) 不准一開始問為何, 那要如何問?

唔洗驚,看看以下對答你就知啦:

訪問主題:基層住屋史(以下全部虛構,如有雷同,實屬巧合)

問:婆婆,你以前住邊到呀?

婆:拆左啦,喺上面。

問:上面即係邊到呀? 高街?第三街?

婆:唔係,第二街。

問:咁係幾時拆架?邊個拆你屋呀?

婆:政府話危樓就拆左,我第一個仔出世時拆。

問:哦,你有幾個仔女?

婆:三個

問:咁最大果個幾多歲?

婆:五十歲囉。

問:哦,咁即係,大仔出世是1963年。

婆:哦,好似係啦,總之佢出世時拆屋。

問:咁慘!?生緊仔時啲人來拆你緊屋!?

婆:唔係!係佢出世嗰年!

問:哦,咁咪一出世就無屋住囉!

婆:係呀,咁嗰時,就去左親戚到暫住。

問:咁嗰時,政府有無先通知你?幾耐之前通知你?

婆:唔覺有喎,好短,一兩個月。

問:無安置賠償呀?

婆:無!乜都無!淨係話唔走都會拆!

問:嗰時係租的?

婆:係

問:租左幾耐?

婆:好耐,廿年。我未嫁落嚟就開始租。

問:你同你先生兩個人住?

婆:唔係,有家公家婆。

問:好大架?咩屋黎架?

婆:好細架,兩張床連食飯都同一間房!三層高的。

問:哦,咁你嫁時幾歲

婆:嗰時邊有咁多書讀架女仔,我十九歲嫁落嚟

問:嫁落嚟?你嫁之前在內地生活?邊到鄉下呀?

婆:哦,三水呀。

問:咁係咪親戚介紹你先生俾你?

婆:係呀,嗰時我阿姨的夫家親戚嚟,話佢在香港娶唔到老婆喎。

問:咁你識左佢幾耐結婚?

婆:半年啦,見過幾次。

問:你無擔心嫁落來人生路不熟?而且老公都唔係好熟咋喎!

婆:嗰陣時無諗咁多,好多人都話落香港易搵食!

問:咁你嚟左之後覺得香港係咪易搵食呀?

婆:唏,邊到都係咁,我地窮呀嘛!唯一嘅分別呢,呢到可以自由啲囉。

問:香港有無其他親戚?

婆:我就無,老公就有,嗰時迫遷就暫住在佢表哥屋企。好迫架,七十二家房客咁。

問:咁幾時搬來這裡?

婆:過左幾個月,問親戚東借西借,就買左呢到,之後還錢還到傻!

問:哇,咁嗰陣拆你屋,有無人反對?

婆:有,樓上樓下好嘈,但係嘈左都係咁,官字兩把口!

問:淨係嘈?有無打起上來?

婆:哦,有喎,拆屋嗰陣,真係有幾個男人同警察打交喎!拉左去啦收尾!

問:嗰陣時淨係拆你屋?定還是拆好多?

婆:唔係淨係我!枕住都有拆,之後咪起左個XX居!有錢人住架嘛!

問題:

1)以上的對話裡,一次「為何」都無問過,但你知道了阿婆和她住屋的問題有幾多呢?

有哪些問題其實已經問了「為何」和「為何不」呢?

2)你覺得之後如果要繼續同婆婆傾偈,需要做什麼類型的資料調查?

3) 你覺得要把婆婆的故事拍出來, 有幾多個關鍵字? 與這些關鍵字相連的視覺元素是什麼?

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s